« YardFlex Hot Charts | Main | Foota Hype fears for his life »
September 09, 2009
Stop meck man mess unno up
Now straight up, mi love how wi athletes dem meck wi proud. Mi did kinda gawn endz out a Berlin and den mi stop a one a mi peeps a England, so mi just a touch back di rock and as usual unno know mi have si nting fi gripe bout.
Now mi a share something bout one a mi friend whey a guh thru one hard time wid a deportee and fi tell di truth mi nuh know why she nuh just pull di plug and lef di damn man alone.
She guh look bout visa fi him and every ting and before all that paper work did come tru she and him pudding one piece a fight cause dis woman call him bout 4:30 inna dim awning and den again bout 6:30 and him gwaan like him slick and shi find out sey sinting fishy. Di nex’ ting yuh know big fight buss and him mash up har face, beat har bad and she all did haffi get stitchies.
But how she guh back afta dat mi nuh know yah man. Suh dis time she a look bout fi collect him visa and a woman a call embassy and meck dem know sey him a deportee and bere tings. Mi nuh know how de hottaclaps work out, but mi know sey di girl a claim sey she pregnant fi him. And when mi friend use di same Yardflex site fig uh check some pictures from way back and compare to one whey recently posted she look heavy a way. So dat could be true.
Di man now a claim sey a nuh him alone did a deal wid di girl him sister used to slap har tuh!
But mi neva s idem level a mix up yet inna mi life…but a whey fi mi friend really get herself mix up inna sah?
Pon top a it, di man have one piece a bad luck tuh yuh si but dat nuh strange cause mi friend sey a cause him use har tuh much and still a fool roun di skettel dem. After she live har live a certain way and nuh mix up, him waan come bring har dung wid dem deh kind a people, plus to meck matters wuss him a have unprotected sex wid dem tuh and a put har at risk.
Di ongle question mi waan ask is, when woman a guh have sense and stop meck use dem suh?