« Vybz Kartel-Toilet Paper( Bounty Killer Diss) | Main | BUJU BANTON ROCKS THE GARDEN - TWICE AGAIN! »
August 17, 2009
What a piece a boo
No bwoy di boo whey Beenie Man and Kartel get mi hear sey people all inna Clarendon coulda hear it. Mi did tink sey it loud inna Jamworld, but wi get fi understand si it go beyond di Jamworld walls.
Jah know star Beenie Man shoulda did know betta dan dat. Fi smady whey sey him inna di business fi 30 years, him should have antennae fi know when people want war and teck himself outa di mix. Look dey now, him did done get one solid one a Mandela concert a Half-Way-Tree and him come put himself inna di place fi pick up one nedda one.
And a nex’ ting wha meck him nuh have nuh shame gone ask Alliance fi come pon him show…noh sah. Beenie straight…a time fi yuh have sense.