« Today's Daily Word - Monday, April 20, 2009 | Main | Broadcasting Commission Issues New Procedures for STV(cable) operators »
April 20, 2009
Look before you leap
By Buffilous
A wonder if unno really a teck note a wha gwaan inna di country. Fi real star, unno meck sure sey unno keep pon top a tings when it comes to di decisions dem whey politician a meck pon fi unno behalf.
Rasta George, since di odda day when mi stop have man pon mi mind and a listen to people business mi realise sey a nuff tings did a pass mi by.
Now di only business mi a pree a wha a affect mi and di country. Unno a follow di cess pon gas argument whey dem a consider fi impose tax pon gas.
A wonder if dem member wha happen di last time di government try fi do dat. One piece a riot and people business place mash up and all mi did haffi foot it, go whey mi a guh cause nuh vehicle never deh pon di road fi transport nobady.
Dem fi learn sey Jamaicans dem unpredictable, dem will teck so much and no more and den dem explode like a bomb.
Dem betta find one next way fi raise money and nuh badda wid deh gas tax deh, cause mi can just si one replay of whey di gwaan di last time.
Still a waan fi use dis opportunity fi warn mi fellow Jamaicans dat dem mussi siddung and teck everyting suh. Is not di government have di power a dem. If unno present one united voice and come out gainst di almshouse whey a gwaan inna di country, unno know di difference whey unno can bring about>
Hear wha, mi affi cut now, but tink bhout whey mi she…U-N-I-T-Y a dat mi a deal wid straight!