« Iley Dread gearing up for Unite The People | Main | What's poppin »
April 01, 2009
With friends like those
But a who did sey with friends like those you don't need any enemies. Well a read poor Joseph Plumber account in the Chat! today how him a Beres Hammond a friend fi years and him de a di studio a play draught with him and get inna argument wid three man deh. Now tings get heated and fighting start and di three man dem tun pon him. Now him sey him hear Beres a tell dem fi cool and den after him tink him did a go dead, Beres son come rescue him and push dem off him. Now whey mi waan know is if Beres did check fi him and him ago call to di man dem and dem woan listen, him nuh call fi back up long time and tell dem fi get di hell outa him studio. Den di wuss part after di man de deh battered and tings him tun and guh back inna him studio, and all when di police come dem wouldn't let dem in. But a wha kinda friend dat dough eeh. Every day you si sey di artiste dem a let yuh down. Mi nuh tink sey mi a listen nuh more love song from him cause a just word a word dat.