« Did Rihana and Chris make a sex tape | Main | Scene from Weddy Weddy »
March 19, 2009
Stop mix up Ninja
Yardflex link up wid Ninja and di ongle ting we can say is dat people fi stop mix up di DJ inna dem passa passa. Him neva de pon spot suh how him fi come out a car and shoot smady. Di DJ sey a pure positive vibes him a deal wid him One Umbrella Movement him nah deal wid nuh gun ting. As unno read pon di site yesterday…di DJ nuh have nuh time fid dat. Just check out di Chat whey Ninja Man sey him days a shooting people done...now is not di time fi shoot people. A big talk dat.
---------------------------------------------------
Unity Splash a guh mad
Hey, mi want unno fi lock da date yah inno calendar. April 4, cause it a guh sick! Yeah man mi love how di vibes a build up round it and some mad artistes de pon di line up. A suh mi like when show kip and have some really great acts. Dat deh time mi nuh fraid fi spend mi money cause mi know it worth it. So whey unno sey, mi wi si undo inna Negril and lyme wid artistes such as di big bad Beres Hammond, sweet sweet Coco T, conscious Queen Ifrica, Cameal Davis, Iley Dread and nuff more artiste a go deh deh.
Juror gets in spirit
But a wha dat we read inna di Star yesterday sah, sey Juror get inna spirit and end up rebuking accused. Yuh si why win uh waan nuhbady call pon wi fi du nor juror duty. It mussi really bad fi di juror get out like dat man. Den again a wonda if fi wi lawyer dem guh through a selection process fi si if some jurors should be excused from duty even if they are willing. They should declare if there is any reason that would make them prejudiced to the case. It’s time we stop “craping up everyting” and call them jurors…but on second thought the poor people don’t have much choice, not like when a lot are ducking out of the role.