By: Buffilous
Imagine mi meet dis decent uptown bwoy an we inna sup’m fe nearly a year, but only the almighty can explain why de bwoy have such sick cocky issues.
Im did go wey fe go a college and de bwoy nuh drop out an come home claim seh a me im did miss like hell and drop outta college fe me. Well when im touch dung a yard it come een like im go pon a sexing rampage. I mean literally; an worse of all im nuh go ketch a STD…yu can imagine how sick crazy I was when im tek dat deh STD weh him ketch an gi it to mi.
Wait deh - de story no dun, it get even betta dan dat. De bwoy go have sex wid not one but two a mi fren dem an claim seh im waan married to mi. Me so vex mi no know wha fe do wha fe tink an den guess wha im seh…we can work it out caw we in love. I was so disgusted – that mi just look at im an wonda which part im fall dung an lick im head caw a pure eediot ting dat im did a chat.
Oh – by de way did I menshon dat de bwoy seem to have an issue wid using condoms. Dat is how im ketch de shot (STD) inna im parts an pass it gi mi. Mi no know if a inna de moon fe im brain deh, caw de whole entire worl know seh HIV/AIDS a go roun an odda uncurable sexual disease genital herpes an so, an di bredda jus loose an leggo.
Well – de lass fren weh him go ave sex wid run come back an tell mi an she seh how it was a big accident. Mi seh, “Accident, is only wen vehicle bang up dem one anodda accident appen!”
She seh a drunk dem did drunk an how at least she nice enuff fe come tell mi bout it. But me seh de gyal should a neva pass har place inna de first place; an she talk bout how a unconscious she did unconscious. Wat a piece a libaty tekkin an foolishnis…mi coulda inna de deepes sleep suh till – if cocky evva fling up inna mi an mi caan feel it – den mi need one a dem pussy tightena weh deh pon sale.
Mi seh – she no right at all an im worse, but is life. Mi just waan know wha uunoo woulda do if a bwoy dis oonnu like dat. Mi wonda if im tink seh me a koot fe stay wid im afta im up inna mi face an still a sex off mi fren dem. Weh mi woulda a wait pon…fe im gi mi HIV? No styl…layta fe im!!
.
