By: Dimples
Me seh me have a friend and she said she meet this cute guy. Him nice and ting and him look like somebody she coulda par with. She wasn't looking for some one to settle down wid just someone to date. Anyways dem go out a couple a times. Him carry her go movies and party and she say him know how fi av a good time. She think all was going well until him seh him ago introduce her to him close friend. She tink the man must rate her to want introduce her to him paari.
Anyways dem go watch a play the nite and she meet the fren. Could you guess and tell me wah happen. She like the man fren. But to how she stay she neva want the man fi know and besides the fren was there wit him woman. So she play it cool. She seh wen she go home the nite she a wonder y she like the man fren and y she neva meet him fuss instead.
About a week pass and she try fi forget the fren cuz she know nutten couldn't gwaan. So it was Saturday and her man call her seh dem a go out. Wen the man come pick her up guess and tell me who in a the back a the car - no the fren and a different woman.
In a her mind she a wonder weh him odda woman deh. As the night a go on she a realize seh the man was a big time playa. Him phone ring every five minutes and is a woman call everytime. Me sure unu a wonder how she know seh a woman call him everytime. But we all know seh a man don't talk to a woman the same way him talk to him brethren unless him is a fish.
Every woman weh pass him a look pan dem wid flirty eyes. Mi fren was so mad. Fuss because the woman sit down like an idiot and nah seh nutten like she fraid a him and also because she did deh home a tink bout dis man weh neva even like har and was a big time playa pon top a it.
Ladies if yuh av a good ting neva gi weh sure fi unsure.
