« Pamputtae - "It Good" | Main | Brittany Lyons crowned Miss Jamaica World 2008 »
August 18, 2008
What’s poppin
D'Angel and Beenie Man
What a way Ragashanti programme sell off di whola dis week yah wid di whole heap a people a call in bout D'angel and Beenie Man. Some a dem sey dat di two a dem a guh find dem way back together and others sey dat if dem nuh deh back dem fi remain good friends. Mi neva know sey a suh suh much people mix up inna dem life.
More sex tape?
Bwoy mi a hear one big big argument and if dat a true it a guh meck Milk and Johnny tape look like foolishness. Di name whey mi a hear a call up regarding kinky sex from behind...heh hem. If di tape lick dat deh smady nuh have a come back a come back. But if a true a ontgle a matter a time before it buss. Cause how wi get it, di person a pay nuff money fi hold it dung...suh wi hope di money nuh run out...cause...ah bwoy a ongle hope nutten nuh guh suh.
A wha dis fada
But a wha dis fada whey mi hear bout lawman. A caan true. Dem sey when him a smady kick off di man just sey a him yuh know what gi him everyting whey him got! Whooi mi caan laugh. A some serious allegation dat. It suh bad dat wi caan even gi yuh a hint a di name cause if unno eva know Jamaica mash up!