« Taking wedding ceremony to another level |
Main
| Elephant Man "Gully Creeper" still in the #1 Spot »
July 03, 2008
If you tek the cow you affi tek the calf
By: Buffilous
 Yow, fi real mi miss all a di mix up and blenda and mi have a super one fi share wid unno. Mi nuh know, but people business just follow mi suh!
How some people come suh, dem neva hear di saying whey sey 'if yuh teck di cow yuh haffi teck di calf tuh'. Memba dat! Whey bring on all dis, is me know a woman wid two pickney weh tek up a man weh have four well it suh happen dat one a him pickney handicapped and har madda lef har a Jamaica and migrate to di States from di pickney a 3 years old, suh yuh done know sey she nuh know nutten bout har. Di madda run left di handicapped pickney, left it wid di man daddy and den come a States and meck di same man breed har again...and she end up wid six pickney a farin, five fi smady else and di one from di man whey she got di handicapped pickney fah.
Now people, a true true something mi a relate. Di hottaclaps nuh done de suh yu nuh. Di man whey father di handicap pickney, him sista set him up pon one rich woman and him an har end up being together, nice nuh backside. Him a di best baby father inna di world to fi har pickney dem but when it come to fi him disabled one a Jamaica him treat har like dawg. But yuh woulda tink sey di rich woman woulda show likkle compassion and encourage di man fi gi some tender loving to him now 18-year-old daughter. No sah, nutten like dat. Di man nuh hug di pickney and if she try fi hug him, him slip outa it, an fi meck matters worse di house whey him left har pack up a pure man.
You woulda tink sey him woulda file fi har, meck she live likkle life. No star, or even encourage har fi get a visa dat she can visit. Him rich woman wont even encourage him fi get har in an institution where she can get the necessary and required attention.
A wonda if she know dat children, especially disabled ones are a blessing from God. Di ongle ting mi want unno learn from dis ya story is dat – when yuh teck up somebody, is di whole package you no get fi pick whey yuh want and whey yuh nuh want.
Posted by yardFlex at July 3, 2008 10:15 AM
Comments
|
Posted by: Toni
on July 3, 2008 10:34 AM
|
The mother, the father, and the new rich wife... they all will have their day no worry... The lord nah sleep and this was their test and they fail it....
|
Posted by: Toni
on July 3, 2008 10:34 AM
|
The mother, the father, and the new rich woman... they all will have their day no worry... The lord nah sleep and this was their test and they fail it....
|
Posted by: mello
on July 3, 2008 10:43 AM
|
"lef it wid di daddy" shame on you, writing an article and calling someones child "IT" go and learn how to write in english!
|
Posted by: Senne'
on July 3, 2008 12:27 PM
|
That's right, Buffy! Any person (man or woman) who has children is a AMF "Already Made Family". Anyone new coming into that has to get in where they fit in. No one in a family should get left out or left behind. Never! And you don't stop being a parent because your child has turned 18. That child will be Blessed beyond measure. Keep your head up, Baby Girl!
|
Posted by: marlonexs#hotmail.com
on July 3, 2008 02:02 PM
|
B*tch what the f*ck are you saying exactly?!?
|
Posted by: Nici Knox
on July 3, 2008 02:08 PM
|
Children are blessings yes and "even disabled ones" yes...but Buffy the word shouldnt be especially..."especially disabled ones".
I don't think so.
But he is really wicked not to think of of kid, and knowing that she can't really take care of herself should be extra push for him to want to make sure that all is well for her, and NO ONE/NO ONES CHILD comes before his. Even if she doesnt care.
|
Posted by: nigel
on July 3, 2008 03:30 PM
|
dah faada deh a f***ery, wait fi him time will soon cum.
|
Posted by: Empress28
on July 3, 2008 03:44 PM
|
I can't believe sa both her dutty parents a go leave her and go farein and not even sai look back and see si she have food or money. What type of f*ckery is that!!! Unno na hear sa Jah a go deal wid dem r*ss!!!
|
Posted by: InNeed
on July 3, 2008 06:02 PM
|
Do any one know of any rooms available/1 bdroom own convenience pls send an email at need2move@yahoo.com
On another note i do agree dat children is a blessing and shud be treated with care.
|
Posted by: Msty
on July 4, 2008 05:05 PM
|
Bigup to the real real baby fadda dem. weh fadda dem pickney retarded or not
|
Posted by: Love_Alone
on July 7, 2008 11:45 AM
|
God looks after fools and children
|
Posted by: Love_Alone
on July 7, 2008 12:09 PM
|
God looks after fools and children
Post a comment
|
