Kyino Cunningham back on the scene
From one mix up to a next. We hear seh Kyino Cunningham, (yes the fish) is back in the island. But him brave no backside. We also hear seh him inna one new show weh dem call Candy Shop. From unu hear the sound a dat unu know seh a something freaky. Well inna the show him and him friend go out and get lap dance from two woman and then them realize say dem really a man. Why the hell this likkle bwoy love the nastiness so? If him know weh good fi him, him try be careful cause everybody know how Jamaicans stay when it cone on to homosexuality.
-----------------------------------
More sex video
Just when yuh tink di video ting dem a die dung anodda sex one surface and dis time is wid di comedian and the grand daughter of the reggae late reggae king. A wha duh dem people yah man. Di ongle question mi haffi ask is, how much more video out deh lef fi reveal. It look like sey more action deh pon dem entertainer video dan whey deh pon di Peter King Tape.
-----------------------------------
Mi woulda sue
Wi a hear a likkle sound like di TV personality might a guh lose har job because she star pon di tape, but straight up mi woulda sue fi dat. She neva tief nutten, she neva kill nubady, suh mi sure a good lawyer could find grounds fi a good case – straight.
-----------------------------------
Big up to Charlie Chaplin
Respect to Charlie Chaplin whi get him degree inna some security administration. A long time him inna di security business and mi respect how him go fix up himself proper, suh yuh seet if him get tiad a di music business him always can guh full time inna him odda business whey him more dan qualified fah now. A suh mi love fi si when entertainer focus on something positive and come outa di passa passa. Big up Chaplin, a good move dat, YardFlex proud a yuh.
