« Curry Festival sell off |
Main
| Usain Bolt 9.76 seconds...the 2nd fastest man in the world »
May 08, 2008
Young bwoy and older woman
By: Buffilous
 Yeah man, me Buffilous again. Mi back broad, mi nuh gi two cents whey nobady waa write bout mi. Rootz girl can tan deh meck everyting badda har, if yuh duh dat yuh neva meck a move. Anyway, all a di YardFlex reader dem a mi friend so mi nuh care how dem cuss mi out...mi love almshouse and mi nah tap. And speaking bout mix up and blenda check out dis ya one yah.
And before unno chat, no a nuh mi friend, mi just know bout di situation alright.
Dis 69 year old rasta woman deh wid a 27 year old guy who waan fi marry har. But how she suh lucky. Dat deh young stud waan har fi di rest a har life and yuh have some young ooman whey can't find a man a har own!
Mi sey, mi hear how di man treat har wid maximum amount a respect. Mi a talk bout open car door, pull out har chair meck she siddun, drop har off, pick har up any hours a di night she happen fi need a ride and it seem as if di man contented as long as she deh near him. But wid all a dat, di most shocking part a di whole mix is dat him still nuh sleep wid har yet. Him claim sey him not rushing anyting, him want to marry her and den him visit har promised land.
Bwoy mi nuh know di man sound too good fi be true...a wonda...well so mi get it so mi share it wid unno.
Till mi have more people business nex' time.
Posted by yardFlex at May 8, 2008 10:50 AM
Comments
|
Posted by: tapiwaah
on May 8, 2008 11:58 AM
|
ah obeah she obeah di likkle yout,noting more
noting less.somedody pliz save di likkle bredda
|
Posted by: Tash
on May 8, 2008 12:06 PM
|
The man old fashion and me respect that.
|
Posted by: anipee
on May 8, 2008 12:32 PM
|
Gwan talk de tings dem ya girl. We J,cans live stick we head ina sand and pretend wha yu a talk no go so. J,cans are a set of hypocrites. You an Rootzgirl gwan talk an no pay dem haters no mine. A grudge dem grudge unu caus dem don't have what it takes to post commentaries pon yardflex. Some a dem don't even kno sey the people whe you mention ina yu comments dem no haffi neccessarily be you frien dem. A whole heap a nastiness an f@*#ry a gwaan out deh undercover so feel free fe talk de tings dem.
|
Posted by: carpiediem
on May 8, 2008 12:40 PM
|
69 and 27 is crazy. Even 59 would be a stretch.
|
Posted by: phoxy
on May 8, 2008 01:55 PM
|
Talking about robbing the cradle. Sumtin nuh right wid di "bwoy" di woman old enuff fi be him granny!
|
Posted by: sean peezy
on May 8, 2008 02:18 PM
|
ah dat me seh, there's three cases here,
1)is either the bredda ah drink some panty water and him get caught up in the mixx up
2) The woman work ah obea thing pon d bredda. ( which is like case 1)
3) The bredda ah smart bredda and him see seh the woman have wealth and him wah capitalize pon har. that way he's puttin himself in ah betta situation to get d young sistrin dem when ole lady bruk down and cyan manage fi har own affairs.
i'll have to stick with 3, but if is 1 and 2 well me sorry fi d bredda
|
Posted by: slim d
on May 8, 2008 02:23 PM
|
the young bwoy is up to sumthing, there is hardly any ja young bwoy, that does want to tear off ur drawers and f8*ck u to sickness, but he is a perfect gentle that is alive and living in jamaica all hats to him wishing him and the old lady all the best
|
Posted by: Queen B
on May 8, 2008 03:09 PM
|
A weh shi have weh him want? Cause no 27 year old man inna today day ago pick up no old foot unless a something him a look.
dem lickie, lickie man weh deh a Jamaica nah pick up no womant unless dem a get something in return and yu know di worst part some a dem never work a day inna dem life.
That's just my opinion.
|
Posted by: ras
on May 8, 2008 03:11 PM
|
The Bredda look like him wan pull off a Anna Nichole Smith. A wonder how much the the Woman Value. Also look like the bwoy no want no ole pu$$y so him a use the no sex before married thing. After married him have him plan fi mek she MIA. Bold move my youth but mind it backfire.
|
Posted by: DUBFYAH
on May 8, 2008 04:10 PM
|
HOW IS THAT A PROBLEM ROOTZ GIRL?..MEK WE ACT LIKE WE HAVE NUFF BRAIN MAN !..HOW BOUT RACIAL MARRIAGE IS THAT BAD TOO?
AGE AIN'T NUTTEN BUT NUMBA DEM SAY...SHE' 69 AND DE YUTE IS 27 SO WHA? APPARENTLY WE ALL LOVE MONEY BUT WE NUH WHAN FI WORK (SORTA)... THIS IS THE INTERNET WIF NUFF BUL%$HIT HAPPENING INA JA EACH DAY WRITE BOUT DAT !
DON'T TREAT WE LIKE SAY WE NUH KNOW NUTTEN,BY SAYING WE'RE YOUR FRIENDS"..MIND YUR FROCKING BIZNEZ MAN.
|
Posted by: BAD-GAL
on May 8, 2008 06:32 PM
|
O, PLEASE ROOTZ GAL, CUM WIT SOME TING BETTA, 2 TAK BOUT, OLDER OOMAN YOUNGER MAN UR POINT IS, WAT REALLY? ANYWAH, MAN BEEN DOIN IT FI CENTURY, UNNU HEAR NOTIN BOUT IT BUT AS SOON AS A OOMAN DO IT GOD FOR BID HAR, U HEAR ALL KINDA THINGS WAHDA R MONEY, R NAT U GO GIRL,DEM LITTLE BWOY YAH NO WAH WOK SO DEM FIND OOMAN FI TREY PON LADY IF U CAN GET IM FI LICK OUT U B*TTY, MEK IM LICK 2.DEM LOVE LIKE 2 MUCH.
|
Posted by: Wade Cameron
on May 9, 2008 10:21 AM
|
Mi nuh si nuhting wrong wid dat. Whateva mek yu happy.
|
Posted by: Senne'
on May 9, 2008 11:43 AM
|
K, Dey both adults so why dis our biz anyways? If 2 people are happy together, then I LOVE it!! No matta wat!Gwan den!!!
|
Posted by: whatever
on May 9, 2008 12:54 PM
|
well she must av money still, and if him neva mean it and act it out to her grave she nuh business she was happy!!! secure up some of the money for me and u lol
|
Posted by: sexygoodas
on May 9, 2008 02:30 PM
|
|
Posted by: shez
on May 10, 2008 04:27 AM
|
dubfyah and bad gal, cant u see dis is written by buffy not rootz girl
|
Posted by: jah b.
on May 13, 2008 02:24 AM
|
what God has put together, let no man SEPARATE. bless!
Post a comment
|
