Bwoy everbody a talk bout how Denise Hunt just gi up Digicel Rising Stars suh and she not even did turn up a di launch. But a dat a ting, dem a sey dat if she and dem did part pon good terms she woulda come and all crack two jokes and 'officially' hand over to Yendi Phillips. But come to tink of it, wi hear sey a nuh she a di face a Singers again either. Tell mi a wha really a gwaan? She legoo Rising Stars, leggo Singers a wha she a plan fi cut from di scene or wha.
-------------------------------
Are they together or not?
Talk up di tings man, is it true that Vybz Kartel and D'Angel deh? Mi nuh know but the street a buzz wid di rumour dat tings might be getting serious between di two a dem. But a nuh fi wi business still...but mi know unno curious fi find out like myself yah.
----------------------------
Wha gwaan wid Merciless
Wha dat a circulate sey di DJ whey love him Gizzada and mama cooking get long long long sentence a prison. No bwoy it dread if a true. People unno have check it out and email YardFlex if unno know more bout di situation cause him did dj sey him lend out him mercy suh wi a wonda if a dats why none neva lef fi him
