« Jamaica Carnival in full force | Main | Woman can't afford fi go pon Man Diet »
April 01, 2008
Passa Passa
What a controversy
Lawks what a way dem a fight ova di rights to Bob Marley song like dog a fight ova bone. Two Bob Marley movies de pon di way, and dem coming out close back a one anodda and now one piece a sinting fi si who get fi use Bob Marley songs! A wonda how this one will turn out. Now although Martin Scorsese is a directing genius and mi woulda really love fi si him get everyting him need to do it, mi personally feel that di widow gonna use har clout fi meck sure sey di songs dem go to di company whey a do di film bout har memoirs...meck wi watch and sin nuh. Bwoy dem haffi guh help Martin people dem sing redemption song.
-----------------------------------------
Give QQ a break man!
Speaking bout dog and bone but a wha meck QQ parent inna tug-o-war ova him suh man. Can you imagine dem all a end up inna jail and haffi get bail. Now di chile should a spell home wid di two a dem and a enjoy him childhood and it look like sey a him a di adult inna di family. Come on man meck di pickney stop bounce round like him nuh nuh have nuh abiding city and settle dung wid one a unno.
-----------------------------------------
Guh deh Ragashanti
A whey di Broadcast Commission a deal wid. It come een like dem waan flop Ragashanti show dem fi try know dat dem caan duh dat. Afta di man come and a nice up News Talk 93 a create crazy vibes and ting dem waan put a stop top dat bout dem have proposal fi teck wey di station licennse. Now wi fi start campaign fi kick out who a run da ship deh a Broadcast Commission cause if dem can come up wid a recommendation like dat it simple mean dem nah represent wi and a get pay fi nutten. - Straight!