« Rihanna with new implants at Smile Jamaica/Africa Unite and guest appearance by lover Chris Brown | Main | Clive Jarrett laid to rest »
February 26, 2008
Reggae Academy Awards suss
Blacka joke sell off
Blacka Ellis sell off at the Reggae Academy Awards. Bwoy mi a tell yuh him jokes dem done di place. First when him sey big up to the Prime Minister who a glow unda di Cuban light bulb...di people dem crack up. But if yuh tink sey da one dey did meck it, yuh should si when him come out inna him police uniform and deh pon him cell phone and 'lock off' di show and sey "yeah soup, mi lock dung di show cause di promoter nah let off!" Fi one minute mi did tink sey a stampede but a just di people dem a lick di bench dem and a laugh. Whey day mean, police dem too licky licky and everyone can relate?
Which country yuh really love
Mi nuh done wid Blacka yet, him deh pon di stage a talk bout how Jamaica a di best place in the world and him love it suh much and him want to die in Jamaica. Den one woman shout out from inna di crowd, "den if yuh love it suh much, how come yuh gawn live a Canada!" Good question...but den again one man did sing sey, "I man born ya, I nah leave yah, go live America...and him a live deh now!"
Big up Copeland Forbes
Bwoy, Copeland Forbes gi mi goose bump when him talk sey likkle most wi hear sey him dead. Him fly in well tiad from halfway cross di world and go Ocho Rios, den di whole a dem inna di car drop asleep on dem way back to Kingston. Nearly ram inna one trailer...but a di good driving puddung by the trailer driver kip dem from disaster.
Well tenk heavens nutten neva happen and him coulda come tell di tale. Nex time Copeland...meck sure yuh and yuh passengers dem well rested.
Big up to Stitchie
Bwoy him a one proud daddy. Wi link up wid him at the Reggae Academy Awards and him tell wi sey him daughter a 18 years old now and guess what, the child a study fi be a doctor! Go deh Stitchie yuh mus did puddung a whole heap a 'Fast and Pray' inna har upbringing. In another two weeks Stitchie will be heading off for a tour. More in depth info for you later.
Junie Platinum and Kip Rich team up
Junie Platinum was at the awards too and she told YardFlex about her latest single "40 and over" wid Kiprich. Bwoy mi nah tell nuh lie, deh title deh sound like she a try fi send a message...but she look good.
still.