« Lohan attacks Best over sex video photo | Main | Luau was banging »
March 26, 2008
Passa Passa
Is a crying shame
Bwoy is a crying shame di way how di British Link Up dance turn out. Look how di people dem go out fi enjoy demself and di man end up dead. Den tell mi something a really woman dem did a have di kas kas bout? And den di police a sey a two time dem guh fi tun off di dance and dat di organizers start it back again. Fi real people a nonsense dat dem a chat, cause if dem did really waan fi lock off di dance dem coulda, mi nuh tink dem did go all out fi do dat.
Bwoy it really dread dough, it put big stigma inna di dancehall. Nuh wonda di police dem ban all dance fid at deh venue...it dread fi true.
-------------------------------
Passa Passa tame
Bwoy it come een like di dead stock vibes whey a follow dancehall reach Passa Passa anniversary di odda day. Dem sey di usual amount a entertainers whey generally flock di house was missing and dat dem neva get a bumper crowd. But den maybe a because nuff a di artiste dem did de pon tour and nuff people did a save up dem money fi buy bun and cheese fi di Easter.