Yes people is anoda time for the dramatic happenings in the music bizz.
First of all people! How unuh a walk a road an a chatty chatty bout how the doc look mash dung? As recent as Friday night me deh a one spot a cool out, an ova hear a argument weh a man a seh how him si the 'doc', an Jah know seh nuh man weh ave money nuh fe look suh pop dung! Di man added that di doc pants foot look likena house, di way di doc mawga dung
Then mi hear seh a certain man si di same doc a drive a cheap car pon hope road last week! Mi hear seh di man push him head through the window an seh, "Wha doc! A dat yuh come to?" As expected the doc start trace him! Wow!!!
It really mean seh the angel run him head to a wreck? A dats why di big man start play wid Barbee doll like a baby?
------------------------------------------------------
Secon pon mi list. Awha Macka Demon, sorry!!! A meant Diamond, an Stacious ave a di club wa dy yah? Mi hear she Stacious a drink har juice an chill wid har fren dem, wen Macka si har an a gwaan like shi waa juck har!! Mi hear seh wen Stacious ask di wild bush wha shia gwaan suh fa, di bush respon seh "eeh Stacious! Mi nuh inna nuh lyrical war, a guns an ammunition mi a deal wid!" Oooh boy!!!!
------------------------------------------------------
People unuh need fi Big up the Portmore Empire, dem jus shot a medley a Big Ship Studio. Mi hear seh it sick!!
-------------------------------------------------------
An Mr. Lance from di sed Big Ship , yuh respec tall like palm tree. Walk good mi boss.
Unitil next time, lata mi peeps!!!!!!
.
