Bwoy it was real drama on Ragashanti live yesterday when Spice called in to the programme. Yeah man di topic was Ungrateful Friend mix up and Spice did have a lot to say on dat one. She sey Nuffy fit dat topic as him is one ungrateful friend. She go inna di days when dem used to share on dumpling inna har board house a Portmore. To when she used to meck him drive up har car till people tink sey a she a borrow it from him when she drive it..


She all go inna di fact sey she used to teck di money whey har man gi har and share it wid Nuffy…and after all dat him still tun round and dis har!


Spice sey Nuffy sabotage har and never call har up pon di stage and den him have di gall fit un round and a sey she coward.
Spice alla a meck Nuffy sister Marie call in and sey how har bredda ungrateful fi true.


Mi dear it was pure drama when Raga hook up wid Nuffy him sey him nah back dung from whey him sey, Spice coward fi true…and she know it. Him talk how much time him haffi coax har fi teck di stage.


Spice sey him illiterate and a she teach him fi read and write and cuss him how him tell har business to Lisa Hype. Nuffy just lick back and sey wha bout when him used to tell Macka and D’Angel business to har fi DJ bout! Whooii mi cyan teck it.