By Buffilous


Now mi know unno tink sey mi faas and mi love people business, but mi caan help it, if it always a come mi way. Is not like mi guh outa mi way fi get it. Then again maybe di ongle solution a fi change mi friend dem, cause dem eva have some mix up tings either a gwaan inna dem life or inna dem friend life.


Well di latest passa passa come from dis girl whey inna wi crew. Di ongle ting a can sey is dat she really a gwaan out and bad. To birdcage, mi neva know sey woman coulda bad and disgusting suh.


This girl a deal wid two brothers and fi mek it wus one a dem inna di freaky ting like anal sex.


She a play round wid di two bredda dem and from wha mi get is like one a dem nearly lose him mind ova har and yuh tink sey she woulda care. No sah, dat nuh stop har from a go from one a dem bed to di nex.


Di wus ting is dat from one a di brother a deal wid har a pure saltness a follow him. Him all talk outa him mouth sey it look like she jinx him, and you woulda tink sey him woulda si di light and step.


Di odda day she dey a Rebel Salute a gi out him photo and him CD.


Mercy, if a laugh a pop up, no sah, dem two brodda yah need fi open dem eyes and smell the roses, cause it nuh pretty at all.